مرحبا يا رفاق، شكرا لمشاركتكم الرائعة و مساهمتكم في العلم، اليوم كانت لدينا فكرة جميلة و ملاحظة غالبا ما نصادفها في طرقات الجامعة، طلاب يستخدمون الأوراق و طلاب يستخدمون الآيباد في المذاكرة.. الملاحظات رائعة و الأجمل أن ندونها و نوثقها بالأرقام، و قليل من الأسباب و الردود الممتعة :
أسئلة
الاستبيان كانت كالتالي:
الكلية
السنة
الدراسية
كيف
طريقة مذاكرتك من السلايد؟
هل
تطبعها ورقي
هل
تذاكرها الكتروني ؟
أو
الاتنين
و ليش
عدد
المشاركين الرائعين المحبين للعلم كانوا 76
و دي
النتائج:
85.5% من الطلاب من كلية طب أم القرى ، لكن في مشاركين منورين الدراسة
كمان من كليات تانية و مدن غير مكة، من جامعة الملك عبدالعزيز في جدة، كلية طب ابن
سينا، كلية الطب و الأشعة في جامعة الطايف، و كلية الهندسة بالليث
أكثر سنة من المشاركين كانوا سنة تالت
نسبة
اللي يستخدموا الطريقة الورقية أكثر شي بنسبة 48.7% ،بينما اللي يستخدم 100%
الكتروني كانوا ربع المشاركين،، و أكثر من الربع بشوية كانوا اللي يستخدموا
الطريقتين، ممكن يرجع السبب إنه بعض
المحاضرات تكون كلها صور فما يحتاج تنطبع، أو مثلا تكون حقت لاب، أو تكون إكسترا
فاين سكلز زي الكوميونيكيشن اللي المهم تحضر و تمارس أكثر مما تحفظ.. لكن دي كلها
أفكار مني و كملوا عشان تشوفوا إيش الأسباب اللي المشاركين أختاروها.
نجي للسبب اللطيف التاني، هو
كم سلايد ينطبع في الصفحة الوحدة، شخصيا أنا أطبع 6 عشان أخلص مذاكرة بسرعة، أعرف
طبعا إنه Placebo لكن
نفسيا أكون مرتاحة إنه قليل و حخلص بسرعة و فعلا أخلص بسرعة، بعكس لو خليتها ع
اللاب و جيت أذاكر سلايد سلايد، كنت في التحضيري نص الترم الأول أطبع سلايد واحد
في الصفحة، الترم التاني أطبع سلايدين، بعدين كبرت و سرت 6 ^^ هنا الغالب 61.4% يطبعوا
4 في صفحة.
دحين نبدأ في أسئلتنا، أول سؤال ليش تطبعوا على ورق مو الكتروني ؟
أسهل للمذاكرة، رابطة محبي الورقة و القلم، و الأهم رابطة محبي
الشخمطة اليدوية و أنا منهم أكيد .. والأجوبة كانت زي توقعاتي، بس حلو برضه لما
نثبت الشي بالعلم
·
لما اذاكر على ورق احس اني اذاكر واخذ الموضوع بجدية اكثر
·
عشان اقدر احط نوت و اقدر اعطيها لاحد من بعدي يستفيد منها
·
اجهاد للعيون، وأسهل في التخطيط والكتابة
·
احب اشخمط
·
سهولة كتابة الملاحظات واكثر رسخاً للذاكرة ودائماً ينتصر القلم
والورقة
·
أسهل في القراءة
·
علشان اشخمط 😂 مااقدر اذاكر الا لما اشر تحت الكلام وكمان علشان
اكتب الملاحظات على السلايدات مرا اسهل من الايباد
·
افضل للكتابة
·
ما اعرف اذاكر الا اذا كان عالورق واقعد اكتب وكذا .. وبرضو مرا
اتعقد لو كان اكثر من سلايدين فالصفحة 😂🌚 وتنسد نفسي لاني احسه مرا صغير
·
اكتب و ارسم و احدد
·
تثبت المعلومة اكثر
·
لازم احس بيدي 😂+ فترة مذاكرتي طويلة وماحب اجلس ع الاجهزة كتير
·
أطبع عالورق اذا ستدي قايد تبع المشرحة، لانه صعب آخذ الايباد معاي
داخلها واشتغل
·
كنت اطبع في التحضيري لانها الطريقة المعتادة والمتعودة عليها في
المدرسة
·
عشان اقدر احدد وما تتعب عيوني ..، واتذكر الكلام احسن واقدر اضيف
تعليقاتي بخطي المرتب ( بحكم اني اوفر مرتبة :) ..، واخر شي عشان يظل الورق اجمل واريح
من الاجهزة :)
·
لأنو ما اعرف اذاكر شي الكتروني لازم اكون ماسكه الورقه بيدي مع
انو ما أحب أشخمط على الورق
·
احب اكتب عليها واشخمط واحدد وارسم
·
لإضافة الشرح او معلومات جانبيه من المحاضرة بجانب كل سلايد
·
المعلومة تركز اكثر وتكون المحاضرات ف وجهي لحد م اذاكراها بعكس
ف اللاب مخفية وماتبان كثيره
·
احس احسن وافضل لما اخلص احس بالانجاز اشوف الورق الا زاكرتو
·
عشان آخذ راحتي في كتابة النوتز اثناء المحاضرة
·
احس افضلي لمن اشخمط
·
اكتب النوت بأريحيه وبطريقتي &مشاكل الشحن للأجهزة الإلكترونية
·
استخدم الايباد غالباً، الي اطبعه محاضرات كلنكل سكلز داخله في
الاوسكي، وفترة ما يخلونا ندخل اجهزتنا، حأحياناً اراجع منها
·
عشان نظري
·
احب اكتب وأشر المهم وطبعا اشخمط كمان
·
احس مرا افضل المذاكرة من الورق مرا مااحب اذاكر من جهاز وعشان
احب اخد نوتس عالمحاضرة
·
عشان اسرع لما اكتب نوتز
·
عشان لازم أخطط بالقلم وتثبت المعلومة أكثر بهذه الطريقة
·
ارتاح اذا مسكت الورق وتكون الدراسه فعّاله اكثر بالنسبه لي
·
عشان اذا فيه اضافة للموضوع أضيفها على نفس الورق
·
عشان لمن اكتب بدل ما اكتب في ورقه وما اعرف حقت اي محاضرة
·
عشان اشخمط على الورق وأخذ راحتي
·
عشان أحب أطبع أكثر من سلايد في نفس الصفحة.
·
عشان اسرع في الكتابة اثناء المحاضره
·
لأن العلم يُقيد بالكتابة ♥️ لازم اكتب واشخمط عشان احفظ
·
احب التدوين واستعمال الوان كثيرة، ما احب الطرق الاليكترونية في
المزاكرة .. الورق املك ليدي واريح لعيني
·
لان اوقات لما ازاكر من الايباد اضطر امسك ورقه واكتب عشان تثبت
فأحيان اختصر واطبعها
·
افضل في المذاكرة والكتابة
·
اللي يحتجلها كتابه مع الدكتوره اطبعها واللي نسخ لصق من السلايد
ما اطبع
·
أسباب كتيرة 🌚🌚.. الايباد أو الشاشة بشكل عام اشوفها ترهق العيون
بالإضافة اني طالبة تحضيري فأفضل حاليا امشي على الشي اللي مرتاحة ومتعودة عليه من
فترة طويلة 🌚😂.. واحب اكتب ع السلايدات كمان، والجوال صراحة
فيلو مغريات كتيرة لا تقاوم أثناء المذاكرة 🙄.. تلاقيني ازاكر ويدي
تحكني ادخل تويتر ولا اي حاقة 😒🤦🏽.
·
لازم اشخمط واكتب ع الورق
·
احب اشخمط
·
احب لما اذاكر يكون الشي ملموس في يدي اقدر ارجعلو في اي وقت واذاكر
و احفظ و افهم منو
·
عشان اكتب الملاحظات المهمة
·
عشان اعرف اشخمط ☺️😂
·
عشان الحق اكتب النوت لاني ل استخدمت اللاب ما راح اكتب شي + بحافظ
على عيوني ياخي
·
اريح للعين
·
اقدر اكتب ملاحظاتي
·
عشان أقدر أكتب عليهت ملاحظاتي براحتي وكثرة استعمال الالكترونيات
تأثر علي بصداع وألم في عيوني فأفضل الورق دايما
·
تثبت المعلومات اكتر
·
عشان احب اكتب هوامش وكتابتي تكون اسرع عالورق
·
عشان اكتب ملاحظاتي على نفس السلايد
·
عاى حسب طول المحاضرة والشرح
·
احسن في الفهم عن نفسي ماحب ازاكر الكتروني احس اني اسلك لنفسي
😂
لكن لمن امسك ورق واكتب وأشر استوعب اكتر
·
عشان اشخمط وادور
·
لازم أحدد بالمؤشر وأشخمط بالمرسمة، يسهلي الحفظ ولو رجعت بعدين
بسهولة أشوف المهم مؤشر عليه
نجي للسبب التاني ليش تطبعوا الكتروني مو ع الورق،
ممكن محبين الورق تستفيدوا منها و تشوفوا وجهات النظر و طرقهم ...
واحد من أهم الـأسباب
المذكورة كان عن رغبة الطلاب بحماية البيئة، و حقيقي انا منبهرة إنه في أشخاص بدا
العمر و بيفكروا في سبب و قضية مهمة زي كدة،و كمان التوفير و الإدخار، توفير
الجهد، و دي نقطة أنا معاهم فيها، لما كنت صغيرة كدة كان عندي اليوم العالمي للطباعة
و أجلس أطبع و كل اليوم يضيع،غير كدة كنت ما أعرف لطريقة الطابعة تمام إنه كيف
تخلي الورق ثابت لما ينزل و ما يطير، فكنت أجلس أمسك ورقة ورقة عشان تكون مرتبة، بعدين لما كبرت \ سرت يوميا و أحد الأشخاص أنقذ
حياتي و علمني كيف أخلي الطابعة ما تتجنن و تطير الورق، فسارت الطباعة ما تاخد مني
وقت
عشان كدة أحب العلم
·
أريح
ومتصير متوفرة معك في كل مكان + حماية للبيئة
·
احيانا
توفير حبر وورق
·
توفير
وقت طباعة و ورق وحبر
·
ما افضلها
بس ممكن عشان سرعة الوصول من الجوال في اي مكان
·
مو دايما
·
لا افضل
الالكترونية لكن احياناً اضطر الى ذلك
·
اسهل
، توفير وقت وجهد ومال
·
بعض
الإحيان ما أقدر أطبع
·
بالعكس
افضل الورقيه
·
توفير+
ما تحوسي فين تحتفظي بالورق
·
ماافضل
·
افضل
الورقي عالالكتروني
·
الترم
الاول كنت اطبع ، بس الثاني فهمت كل دقيقه ف وقتك لها قيمه والطباعه تاخذ وقت .. الايباد
اكثر متعه واكثر مميزات
·
اكتب
و ارسم و احدد
·
عشان
ما اضيع وقت وانا أطبع وكمية المحاضرات كثيرة فا انفجع اذا شفتها على ورق
·
افضل
الورقي،ومستقبلاً حستسهل الالكتروني
·
مافضلها
·
أولًا
لأسباب بيئية، ثانيًا التنظيم والملاحظات والتعديل على الالكتروني أفضل وأسهل من الورقي
·
لانو
اسهل في التعديل واضافة الصور والنوت بشكل مرتب وسلس اكثر ويمنع ضياع ولخبطة المحاضرات
اخر السنة
·
اسهل
واريح
·
بعض
المحاضرات اكون عارفتها او قد اخذتها فمذاكرتها الكترونيا اسهل واوفر لي
·
توفير
وقت وجهد وفلوس😂
واسهل اذا ابغى ادور عن حاجة
·
عشان
الحبر وعشان اقدر في اي وقت اراجع المحاضرات
·
احس
انو لما اطبع ورق كتير باخرب البيئه لاني حازاكر منها وحده مره او وحده سنه وحتترمي
او تنحرق بعدين ودا بيزود النفايات فاذاكر بالايباد واحمي بيئتي الحبيبه 😂👍🏼 كمان في عندي جبل اوراق السنه اللي فاتت ومني عارفه أتصرف بيها فما يحتاج
ازودها 🌚
·
عشان
ما تتوسخ الغرفة بالمذكرات اللي تسد النفس ، والشيء التاني انا متعودة كذا حتى لما
ازاكر من الكتب ما اقدر اشخبط عليها ، اخذ ورقة خارجية اشخبط واكتب فيها ، فما فرقت
عندي عشان انا مو من اللي يخططو وكذا.
·
اعتمدها
ف الكورسات الصغيرة مافي وقت اطبع فخلاص كلها اسبوعين اذاكر من الايباد واحيان كثير
اخلي محاضرات صغيرة ف جوالي يصير لو كنت ف مكان او منتظرة كثير اقرا شي واستفيد بس
·
عشان
اقتصد فالحبر واريح فالكتابه اقدر اختار ميه لون من غير ما اثقل شنطتي بالالوان 😂💔
·
توفير
ورق-وقت-جهد- مساحة في المنزل والحقيبة 👍🏻
·
ممكن
افضل الالكتروني في حالة اني بشوف صور و ماراح اطبعها لأنها تضيع علي الحبر
·
عشان
ما احب استهلك ورق كثير وما عندنا مكان نعيد تدويره او انا ما اعرف، والالكتروني اقدر
احتفظ بيها في مساحة صغيرة بدون ما تسويلي زحمة في مكتبي
·
بعض
المحاضرات عبارة عن ٩٠ % صور .. الكتروني يوفر حبر ^^ .. حاليا في سادس ما اطبع نهائيا
.. تعبت بعد ٥ سنين من الطباعة
·
اوفر
للوقت و المال ، اقدر اسوي ع الايباد نفس اللي اسويه ع الورق بدون اي فرق ، كل محاضراتي
متجمعه ومرتبه في مكان واحد
·
بعض
الاحيان استخدمها عشان اسخسر اطبع بعض المحاضرات وعشان اريح عيني
·
توفير
للورق هههه ، لمن يخلص الحبر فجأة، لمن الطابعة تزعل وتبطل تطبع، ولمن تكون المحاضرات
قليلة أو المادة ما يحتجلها كتير وأغلبها من الكتاب.
·
عشان
الواحد يقدر يكتب وحتى مع الكتابه تثبت المعلومات
·
لاني
احس بتأنيب الضمير بعد ما اطبع السلايد وارميها
لان ماعندنا مكان لتدوير الورق ، تاني شيء سهل ارشفة السلايدز على الايباد والرجوع
لها ولملاحظاتي لاحقا خاصتا بعد ما اشتريت قلم الايباد سار بسهولة اكتب الملاحظات او
الرسومات توضيحية،ثالثا حمل ايباد وقلم فقط اسهل من حمل سلايدات كتيرة و كتب
·
ما احب
الالكتروني الا في حالة اللاب
·
الطباعة
الورقية تاخذ وقت وفلوس على الحبر. والاوراق ممكن تتعدم وتنشق مع الاستخدام. الالكترونية
مريحة وممكن تترفع على سحابة وتنحفظ طوال السنة وما تضيع .
شكرا
لكم محبين العلم و التعليم ، قراءا و مشاركين ... أنتم رائعون😍
