Top 4 Super Fun Strategies to Improve English Using Daily Activities of Modern life ~

مرحبا يا رفاق، منذ زمن طويل لم أشارككم شيئا، و صدقوني حصلت أشياء و مغامرات كثيرة أنوي ان أحكي لكم عنها قريبا بإذن الله 😍 كيف حالكم و كيف هي دراستكم و امتحاناتكم و حياتكم العملية إن كنتم قد كبرتم و تركتكم مقاعد الدراسة أخيرا 😝😂 حسنا لا تغضبوا أيها الطلاب لا أنوي التعفرت عليكم أنا أيضا للأسف لدي امتحانات و عفرتات طلابية 😢😂😂 لأنه و بكل بساطة يفترض أن أكون من الفئة الأخيرة و لكنني قررت أن أعود و أكون student و انضممت لمقاعد الدراسة في مدرسة مختلفة تماما ، أجل science school  لأكون أكثر دقة 😆😂

Amazing right? Yeah me 😆

حسنا enough about me، و دعونا ندخل في موضوعنا الجميل المنتظر طويلا، و لأصدقكم القول كنت أريد كتابته منذ فترة طويلة و لكنني لم أفعل حتى قبل يومين، و عندها كان لابد من كتابته !

قابلت قبل يومين بروفيسور بريطانية تقوم بتدريس اللغة الإنجليزية، بالتالي هي شخص لغته الأم الإنجليزية و أيضا هي معلمة إنجليزي، كنا نتحدث و لوهلة سألتني ما إن درست over seas ؟ تقصد أنني كنت مبتعثة في مرحلة البكالوريوس، معظم الطلاب السعوديين الموجودين في كاوست كانوا مبتعثين للدراسة في الخارج في مرحلة الباكلوريوس، فأجبتها بلا، و كانت إجابتها أنها سعيدة جدا بمستواي في اللغة الإنجليزية، حيث أنه very unusual for Saudi students 

لذلك طلبت مني أن أقرأ لها كثيرا من الجمل الموجودة، كنت أقول في نفسي، كانت تطلب مني أن أقرأ و أيضا عندما كتبت أخذت الدفتر لترى الكتابة بنفسها، لم أعرف أنها كانت تقوم بتقييم شامل لي في اللغة الإنجليزية 😇 السر هنا يكمن في طريقة التعلم التي اتبعتها في اللغة الإنجليزية، و التي هي مثال حقيقي و واقعي لعبارة Learning by fun

لكن قبل ذلك دعونا هنا نفكر قليلا موضوعا مهما جدا في حياة  أي شخص يعيش في عالمنا المعاصر، خصوصا الأطباء و طلاب الطب و غالبية الأشخاص في المجال الصحي و الهندسي و إلى آخر أنواع المجالات المتوفرة في الحياة،  اللغة الإنجليزية!

غالبا إن قمتم بملاحظة من حولكم، تشكل كلمة تطوير أو تحسين اللغة الإنجليزية واحدة من أهم و أكثر الأهداف المرسومة شيوعا، لكن تكمن الصعوبة في مدى فعالية الخطة و واقعيتها، و ما إن كان يسهل الاستمرار و المواظبة على فعلها  لتحقيق تقدم ملموس!

أنا شخصيا أحب الطرق الفعالة العملية جدا و لا أطيق الأشياء المعقدة الباعثة على الملل و الضجر، و دائما ما أقوم بمشاركة الأشياء بعد أن أجربها شخصيا و أثبت فعاليتها..

سأخبركم هنا بأشياء بسيطة و عملية مفيدة و في نفس الوقت جميعكم تستخدمونها يوميا، مع قليل من الانتباه لها ستتحسن لغتكم تدريجيا في جميع النواحي، الكتابة و القراءة و التحدث، هذا ما نحتاجه في الأنجليزية، تعلم كلمات جديدة، ممارستها حتى نستطيع استخدامها متى أردنا و كذلك التدرب على كتابة الكلمات، لن أطيل الحديث أكثر، تفضلوا الاستراتيجيات من هنا^^:

1)     Phone texting!

من منا ليس لديه هاتف محمول هذه الأيام؟ بل من منا لا يستعمله مليون مرة في اليوم لإرسال رسائل كتابية و التحدث مع أصدقائه أو عائلته أو أيضا في عمله ! ماهي علاقة ما نفعله يوميا بهواتفنا بتعلم الإنجليزية؟                               بسيطة، الجواب يكمن في الكتابة و الtexting، عندما تكتبون أدخلوا مفردات اللغة الإنجليزية لكتابتكم، و اكتبوها بحروفها الإنجليزية لا بالحروف العربية كما نفعل أحيانا، لكن الأهم هو تفعيل القاموس الموجود في الهواتف " ذلك الذي يظهر لك اقتراحات للكلمات و يصحح لك أخطاءك الإملائية إن أردت تصحيحها فقط، و ليس القاموس المستبدل للكلمات دون رغبة منك. 

قوموا بكتابة كل كلمة حرفا حرفا، و إن ظهرت الخطوط الحمراء تحتها التي تنبئكم بأن الspelling خطأ، أعيدوا كتابة الكلمة بنفسكم كلها من البداية، و لا تكتفوا بالضغط على التصحيح لاستبدالها فورا، بمرور الوقت ستتحسن لديكم مهارة الكتابة الصحيحة الخالية من الأخطاء الإملائية، هذه الطريقة أنا أستخدمها شخصيا، أصبحت مثل تدريب يومي لي على ممارسة الكتابة الصحيحة، و فعليا تحسن مستواي في الكتابة كثيرا دون أن أشعر و دون أن أبذل جهدا كبيرا، الأمر بسيط جدا و نحن أساسا نقوم به يوميا، ستكتشفون فعالية الأمر عندما تبدؤون في الكتابة في ملفات المرضى سواء كانت الكترونية أو ورقية، ولا طبعا لا يوجد مصحح إملائي هناك. بالتالي هذا ما يخص ال( Writing)

 

2)     الأفلام و المسلسلات

إن كنتم من محبي مشاهدة الأفلام و المسلسلات و خصوصا الإنجليزية منها، Netflix  أفضل مكان لاستمتاع و تحسين لغتكم الإنجليزية، قوموا باختيار مسلسلكم أو فيلمكم الذي ترغبون بمشاهدته، و اختاروا الترجمة باللغة الإنجليزية !        قد يبدو صعبا في البداية أو غير جدير بفعله، كما أنكم تريدون قضاء وقت ممتع لا أن تتعلموا، و لكن صدقوني إن الأمر يستحق أن تبدؤوا بفعل ذلك! هنا ستتحسن لديكم مهارة الاستماع، ستزداد مفرداتكم اللغوية، أحيانا لا مانع من ترجمة كلمة واحدة أو اثنتين عندما تشاهدوها في خانة الترجمة، لكن ليس أكثر من ذلك، ستتعلمون النطق الصحيح للكلمات و كذلك ستتحسن كتابتكم، لماذا أو كيف؟ ببساطة لأنكم تنظرون إلى الspelling  الصحيح لها و قمتم بسماعه لتوكم، قد يبدو مستحيلا أن تستمع و تقرأ الترجمة الإنجليزية في نفس الوقت، و لكن صدقوني يمكنكم فعل ذلك. 

دعوني أحكي لكم قصة شخصية حدثت معي قبل سنتين، كانت البداية عندما قررت مشاهدة مسلسل طويل باستخدام شبكة نتفليكس الشهيرة Netflix، و كانت المصادفة أن سافرت إلى سيريلانكا في منتصف مشاهدتي له، المفاجأة كانت أن نتفليكس تطبيق يعتمد على المنطقة الجغرافية التي تكون متواجدا فيها، بالتالي كان الخيار الوحيد الظاهر في الترجمة هو اللغة الإنجليزية فقط! و لأنني كنت أريد إكمال مشاهدته و أنا في السيارة – لأنني لا أطيق الجلوس فيها - قررت أن أغض الطرف عن شرط اللغة الإنجليزية هذا، و بالفعل بدأت مشاهدته، في البداية كان صعبا قليلا و مزعجا و لكن كان إما أن أشاهد أو أقضي ساعات السيارة في مشاهدة الطريق أو النوم، و هو ما لم أكن أريده، و بالفعل بدأت في مشاهدته، و النتيجة أنني بعد فترة لاحظت ارتفاع حصيلتي اللغوية، و مستوى كتابتي، و التحدث بالإنجليزية لدي، و من وقتها اعتمدت الترجمة الإنجليزية لكل ما أشاهده حتى الآن، و أجل أنا أحب مشاهدة الأفلام، و قررت التصالح مع نفسي في هذه الناحية، ليس في الأمر تضييع للوقت إن كنتم تفعلون شيئا يسعدكم 😁 نفسكم و سعادتكم مهمة أيضا.

3)     القراءة

إن كنتم تحبون القراءة مثلي فستسعدون جدا جدا بهذه الطريقة، توجد العديد و العديد من الكتب الإنجليزية الرائعة جدا جدا و غير المترجمة للعربية، و لكن إن كنتم تتجنبوا قراءتها بسبب موضوع الترجمة الممل فإليكم الحل السحري الذي اكتشتفته!

Google play book  أو ما يماثله من تطبيق لقراءة الكتب على أجهزة آبل                                           بإمكانكم تحميل الكتب فيه أو عينات منها، و بتحديد الكلمة التي تريدون ترجمتها و الضغط عليها تظهر لكم فورا ترجمة الكلمة، الأمر أشبه بالسحر و يجلب السعادة جدا جدا، لم أصدق عيناي عندما اكتشتفته في الحقيقة، إليكم الصور لتشاهدوا بأنفسكم:

4)      كتابة بوستات أو تغريدات أو أي شيء على السوشيال ميديا باللغة الإنجليزية:

حاولوا كل فترة و أخرى كتابة ما تريدون كتابته باللغة الإنجليزية، سواء موقف حصل معكم، قصة صورة، شيء ترغبون بمشاركته، أيا كان ما تريدون، الصفحة و الحساب يخصكم و بإمكانكم فعل ما تريدون، ما فائدة هذه الطريقة؟              هنا ستكتبون جملا أكثر و ستستعملون كلمات أكثر غير المخصصة لتبادل الرسائل.

لا تنسوا تفعيل القاموس في الجوال كذلك، حتى تكتبوا بطريقة صحيحة و اتبعوا نفس خطوات الtexting ، بهذه الطريقة ستمارسون الكتابة باللغة الإنجليزية يوميا تقريبا، و الممارسة دائما هي السر في أي نجاح !

5)     Bonus:

أخبرتكم أن التعلم بالمتعة هو الأساس لتعلم اللغة الإنجليزية، و الأنشطة السابقة كلها جزء ممتع و مهم في حياتنا اليومية المعاصرة، و لكن في الحقيقة أنني بدأت بتعلم الإنجليزية بواسطة لعبة في البلايستيشن ^^

Kingdom Hearts 2 on Playstation 2

كنت وقتها في الصف السادس الإبتدائي أي كان عمري اثنتي عشر عاما، لم تكن معظم الوسائل السابقة موجودة في حياتنا كما هي الآن، كنت أحب هذه اللعبة جدا جدا، و هي أول لعبة كانت فيها خاصة الsubtitles باللغة الإنجليزية، كنت ألعب و عندما تأتي فقرة العروض كنت أوقف الشاشة بزر التوقيف و أذهب لبرنامج الوافي في الكمبيوتر لأترجم ما يقصدونه، و من هنا بدأت القصة تقريبا، أذكر أنني كنت أحب كلمة organization  جدا جدا و كنت دائما أحب قراءتها في الفصل الدراسي، تعتبر صعبة قليلا لمتحدثي اللغة الإنجليزية الجدد، و لكن كانت الorganization 13  واحدة من أهم عواميد اللعبة، و كان لابد علي من حفظ معناها و طريقة نطقها ، و لم أكن أتخيل أن الشغف و اللعب بشيء ما له هذه النتائج المبهرة

I did it all to have fun, You too can do that ^^

حظا سعيدا يا أصدقاء ^_^

The easiest, Fastest Way to Master Immunoglobulins

صباح المناعة الإميونو الجميل، 

سأشارككم بطريقة ابتكرتها أيام دراستي للمناعة في السنة الثانية في كلية الطب، كنت أواجه صعوبة كبيرة في تذكر وظيفة كل نوع إلى أن لمعت في عقلي هذه الطريقة العبقرية للترتيب، و من يومها و الإميونو قلوبيولين عالقة في عقلي ^^ 

لن أطيل عليكم يا رفاق 

هاهو البوستر 

Magic Urgent Studying Protocol MUSP

الحل السحري لتراكم المحاضرات، قرب الاختبارات، و التلحيق على اللي راح، بضمير مرتاح << يب واحد من مواهبي السرية الكتابة بالسجع ☄🤣

لا للسترس!

لا للعفرتة

لا للضمير اللي يعور

لا للندم على الوقت اللي راح

السر كله في اللحظة الحالية

في اليوم دا ! 

كيف تقدروا تعملوا دا كله؟ بسيطة

أمشوا ع البروتوكال دا و كملوا قراءة الموضوع و حتشوفوا بنفسكم

نقسم كلامنا لمراحل عشان يترتب عقلكم و يكون أسهل لكم للمتابعة و لما تقرؤوا:

- Pre-Medication of Studying

- Studying Manegment

- Results and Reaaseement

 Pre-Medication of Studying:

طالما بري يعني قبل، و نبدأ منه من اليوم، إيش حنعمل؟ 

-أجلسوا بهدوء،

-جيبوا كل المحاضرات اللي طبعتوها لو كنتوا تطبعوا، أو الآيباد أو اللاب لكل موادكم دي السنة.

- جهزوا الطابعة، لو مافيها حبر دحين روحوا أشتروا و تعالوا عشان تكملوا. 

- جهزوا ورقة لكل مادة و قلم. 

نبدأ مادة مادة بسم الله:

١- نعمل لست في ورقة خاصة لكل مادة. 

 أسماء المحاضرات كلها اللي أتأخدت من أول يوم في الدراسة لين اليوم بالترتيب.

٢- مطبوعة أو لا، أو مجهزة محملة في اللاب أو لا، لكل محاضرة مطبوعة حطوا صح قدامها، اللي مو موجودة دحين الآن تحملوها و تطبعوها. ( في المحاضرات الالكترونية سموا كل محاضرة باسمها و رقموها، ١، ٢، الخ المهم تكون مرتبة ) 

٣- الخانة الثالثة، أي محاضرة ذاكرتوها حطوا عليها علامة صح.

4- كل محاضرة مطبوعة و بتطبعوها  رقموها  بخط واضح ولا لون واضح المهم من مسافة مية متر تقدروا تشوفوا رقمها، و خلوها كللللها مرتبة و موجودة في مكان واحد، إما بملف، أو أي طريقة تناسبكم؛ أنا ما أحب الملفات فكنت أحط كل مادة باتجاه، مثلا الباثو بالعرض، فوقها الفارما بالطول، و زي كدة ...أعملوا اللي يناسبكم و يريحكم، و نفس الشي بالنسبة للمحاضرات الالكترونية، بنفس السستم، جهزوا مجلد باسم المادة، عنوان الملف يكون اسم المحاضرة، و نفس الشيء تكون مرقمة بالترتيب. 

5- المادة اللي تخلص شيلوها من ع المكتب.

6- عيدوا الخطوات اللي فوق لكل مادة من المواد الباقية.

7- لو كان للمادة جزء عملي أو إختبار أوسكي، بنفس الطريقة اللي فوق، جهزوا لها لست بأسماء الكلاسات، و هل زاكرتوها أو لا، لأنه عادة تكون من كتب، لكن لو كان لها محاضرات نفس اللي فوق نعمله، ضيفوا عليها خانة Performe of physical examination

جربوا ع أي أحد من بيتكم، صغيرا كان أم كبيرا 🤣.

اللي عملناه فوق خطوة مرررة مرة مهمة صدقوني، 

حتحسوا إنكم مرتبين، و دماغكم حيهدأ لأنه كل شي قدامه، و كل واحد منكم عارف بالضبط فين وصل و إيش باقيله و كم عدد المحاضرات لكل مادة، مجهز كل شي، محا تجلسوا تدوروا على محاضرات قبل الاختبار، عارفين فين واقفين بالضبط!

كدة غلقنا مادة ١ دحين، إيش نعمل بعدها؟ 

نبدأ نخطط و نقسم مزاكرتنا لقسمين. 

١-قسم المحاضرات و الدروس الجديدة

٢- قسم المحاضرات القديمة.

أي محاضرة جديدة لأي مادة ( من بكرة أبدؤوا طبقوها)

١- تكتبوا اسمها في اللست اللي عملناها قبل، اللي فيها أسماء المحاضرات، عشان تكونوا مطمنين و متأكيد ١٠٠% إنه قائمتكم محدثة أول بأول و فيها كل شي. 

٢- تطبعوها قبل المحاضرة بيوم. 

٣- تتبعوا دي الخطوات السريعة لمذاكرة الجديد ( محا تاخد أكتر من ١٠ دقايق لو عملتوها منجد) 

قراءة قبل تصفحها، حضور المحاضرة و التركيز فيها، قراءتها و مذاكرتها في نفس اليوم أول ما ترجعوا البيت. 

الفيديو دا شوفوه عملته فيله تفاصيل أكتر تفيدكم بخصوص طريقة المذاكرة:

https://youtu.be/ClN7SBxBK0I

يسير كدة خلونا نجمع، كل المحاضرات اللي بتاخدوها جديدة حتزاكروها في نفس اليوم؛ اللي راح راح، لا تعلقوا فيله و تكتأبوا، يريتنا زاكرنا، عندنا الحاضر، اليوم و بكرة و اللي جاي، و هو اللي حيفرق و يصنع فرق. نتعلم و المرة الجاية نسير أحسن؛ و دحين نزاكر الجديد زي ما نبغى نعمل أو كنا حنعمل

So cheer up

And get up

الوقت ما راح! أحسن وقت تاني للمزاكرة هو دحين. 

يسير ما يتراكم عليكم، و تنجزوا لأنه برضه دي المحاضرات محسوبة و مهمة؛ و كمان عادة أغلب الكليات ماشية بالبلوكات، فيسير حتى لما تحضروا المحاضرات تستفيدوا و تحسوا إنكم ماشيين كويس لأنه زاكرتوا محاضرات دا البلوك حقت دي الأيام. 

كل يوم أول ما ترجعوا نفس طريقة الفيديو، زاكروا المحاضرات اللي أخدتوها، كل اللي أخدتوه من بكرة الجديد نزاكره في يومها

٢- قسم المحاضرات القديمة:

هنا بعد الطباعة و بعد ما رتبنا الملفات حنبدأ بالتخطيط. إيش نزاكر و متى و فين و كيف ؟

حنبدأ نجهز جدول لأسبوع واحد، من بكرة الخميس لين الخميس الأسبوع الجاي يوم ٣٠ نوفمبر. 

تبدؤوا من بكرة، يعني الخميس:

-حطوا في الجدول محاضرة وحدة بس تتزاكر، تكون محاضرة ما قد زاكرتوها، بس حلوة و تحبوها، يعني من مادتكم المفضلة أو لما حضرتوها فاكرين إنها كانت حلوة، المهم يعني محاضرة قريبة لقلبكم و ماقد زاكرتوها فهي تتزاكر بكرة أن شاء الله. 

- بعد ما ترجعوا من الدوام و تصحوا العصر ولا المغرب  يوم الخميس تزاكروها و خلاص. 

  

ليش طيب؟ ليش محاضرة وحدة؟ ليش سهلة؟ 

عشان ندي نفسنا فرصة للتعود و الإنجاز، و نبدأ حبة حبة بالتدريج، و نحس بحلاوة إنجازنا، و يكون شي يحفزنا للأيام الجاية... أما لما نكبس الجدول و نمليه يسير هم على قلبنا بدل ما يساعدنا ☻

و دايما أفتكروا الحاجات الممتازة اللي حتعملوها لما تمشوا ع الجدول

أفتكروا إنكم زاكرتم الجديد  اللي أخدتوه اليوم، مشيتوا على جدولكم و خطتكم، و خلصتوا محاضرة وحدة

و إيوة مو قليل! 

باقي اليوم أستمتعوا فيه لكن لا تسهروا كثير عشان تستفيدوا من الويكند.

-لا تنسوا اللي قلنا عليه فوق، محاضرات اليوم الجديدة حقت  يوم الخميس ٢٣ نوفمبر، ( اللي أول ما رجعتوا البيت زاكرتوها، أو في الوقت بدل الضائع، في الكلية بين المحاضرات، في السيارة و إنتو راجعين البيت( للبنات)، ي ويلكم لو تسوقوا و تزاكروا :) ، و إنتوا بتستنوا غداكم يتحمى)

نكمل التخطيط للأيام القادمة و باقي الأسبوع بعد الخميس اللي هو ٢٣ نوفمبر: 

كيف نجهز الخطط الدراسية في دي الأوقات من السنة( محاضرات متراكمة، قبل الاختبارات الفاينل):

- أتذكروا إنكم عملتوا دي الخطة عشان تساعدكم تسيروا أحسن، مو عشان تطفشكم و تحسسكم إنه ما أنجزتوا؛ 

- لا تحطوا حاجات فوق طاقتكم،  من زمان زي كدة أنا كنت، و أتعلمتها بعد فترة من التدريب و القراءة في الموضوع إنه كيف الواحد يخطط صح بالذات في المحاضرات؛ و مع خبرة دراسة الطب كمان، كنت من زمان  مثلا أطل في أسماء المحاضرات، أوه دي مرة سهلة، خليني أحطها في جدول المزاكرة، أوه أقدر أغلق دي خليني أحطها، أحسن يسير أغلق بسرعة و أنجز أكتر و يكون عندي أوقات لأشياء تانية، و يسير الجدول متروووس محاضرات تتزاكر ☻

بس هل فعلا في يوم قدرت أعملها؟ 

لا

لأنه دي خطة مهي واقعية، أنا نسيت جانب مهم فيا و هو إني أمل بسرعة، فجدول متكدس كدة ما ينفع، و كل واحد فينا يعرف قدراته، و شخصيته، و إيش يناسبه و إيش ما يناسبه.

-  طريقة توزيع المحاضرات القديمة في الأيام الجاية، بالذات لو كنتوا تدرسوا أكثر من مادة، مرة حتكون الخيارات مفتوحة و كثيرة و مرنة جدا. 

- كل يوم قبل ما تناموا حطوا المحاضرات اللي حتزاكروها بكرة ع المكتب، أو لو كان وقت دوام ممكن تاخدوا وحدة معاكم بس هناك تزاكروها في الدوام، و الباقية لما ترجعوا. 

- يسير المهم إنه تكون الخطة واقعية، و دحين حأقلكم مثال بالضبط كيف لأيام الويكند و أيام الدراسة و كيف تخلوه شي واقعي متناسق :

- يوم الجمعة و السبت ويكند، يعني في وقت أكثر لمذاكرة كم مادة و كم محاضرة. 

- ممكن تحطوا وحدة محاضرة طويلة، وحدة محاضرة متوسطة، و وحدة محاضرة سهلة و تنطبق عليها نفس شروط محاضرة يوم الخميس اللي قلناها. 

ممكن تكون مادة وحدة، و ممكن تكون كل محاضرة من مادة، على كيفكم، الخيارات مو محدودة المهم الفكرة و التطبيق.

- وقت البدء و طريقة البدء في المذاكرة، الوقت حسب ما يناسبكم و حسب ما تحبوا تزاكروا في الليل أو النهار، بس قسموا، مثلا وحدة في الصبح، وحدة في العصر، وحدة بعد العشا و خلاص. 

- برضه طريقة ترتيبها، حابدأ أزاكر أي حبة؟ أنا مثلا حأبدأ بأسهل وحدة و أكتر محاضرة أحبها، عشان أتحمس و أصحصح و أنبسط من بداية اليوم إني أنجزت؛ و بعدين حأكمل الباقية. 

- أهم شي المزاكرة بعقل متفتح، و المشتتات تكون بعيدة عننا، الجوال بعيد، المكتب مرتب فيله كل شي تحتاجوه و جاهز؛ موية جمبكم عشان مو كل شوية تروحوا و تجوا و تخرجوا. 

- أمشوا برضه ع الطريقة اللي شرحتها فوق في الفيديو، أول شي سكم سريع ع المحاضرة، بعدين تقروها كلها سريع، ليش؟ غير فوائدها اللي في الفيديو أحيانا نص الوقت يروح و أنا أبحث عن معلومة، بس لو قلبت الصفحة حألقاها في وجهي -_- و بعدين المزاكرة. 

- كل ما خلصتوا أسرع كل ما بقي وقت عندكم في اليوم فاضي تلعبوا فيه، الوقت مو مفتوح للمزاكرة وقت ما اخلص أخلص، لا !

حطوا لكم مدة واقعية، مثلا ساعة و نص للمحاضرة دي لازم أخلصها! و كل تركيزكم يكون عليها دي بس! 

و حتخلصوا بإذن الله. 

- في أيام الدراسة حيكون عندكم نص يوم، فتقدروا تخلوا محاضرتين، وحدة متوسطة الطول و وحدة قصيرة، حتى القصيرة تقدروا تاخدوها معاكم الكلية تزاكروها في الوقت بدل الضايع. 

- ممكن برضه في أيام الأسبوع تخلوا بعد الدوام ساعة أو ساعة و نص لمذاكرة المحاضرات، دي أكتر طريقة مفيدة و ممتعة و أهم شي إنه وقتها محدد.

مثلا كنت أنا و صاحباتي ٤، كل وحدة مننا تزاكر قبلها بيوم محاضرة وحدة، و نجي تاني يوم كل وحدة تشرح محاضرتها و نحفظها سوا، فكدة كنا نغلق كمية أكبر من المحاضرات في وقت أقل. 

حتى لما كان عندنا أوف كنا نعمل كدة بالذات لو في اختبار جاي، مرررة مفيدة الطريقة دي. 

بس طبعا أختاروا صح مو مية وحدة في القروب محا تخلصوا كدة .

- لا تنسوا تحدثوا قوائمكم و لستاتكم أول بأول، أول ما تاخدوا محاضرة جديدة أكتبوها؛ و أعملوا تشك ع كل شي عملتوه، المحاضرات القديمة كمان أول ما تزاكروها حطوا تشك ع المزاكرة. 

بحلول يوم الخميس القادم:

- حتكونوا خلصتوا ١٧ محاضرة قديمة ماقد ذاكرتوها بإذن الله، متفاوتة في الصعوبة و في الطول، و من مختلف المواد. 

- حتكونوا ذاكرتوا كل المحاضرات الجديدة لمدة ٦ أيام من بكرة الخميس لين الخميس الجاي. 

بعد أسبوعين يعني يوم ٧ ديسمبر:

٣٤ محاضرة! 

و محاضرات أسبوعين الجديدة كلها! 

شايفين كيف حجم الإنجاز؟ و جدول مريح خفيف لطيف! 

إذا مهمة اليوم إيش:

- تجهيز List و قوائم لكل مادة نفس الطريقة اللي فوق. 

- تجهيز خطة المذاكرة لبكرة الخميس لين الخميس القادم ٣٠ نوفمبر. 

- بعدين reasses، شوفوا ماشيين كيف؟ طالعوا في حجم الللي أنجزتوه، و كملوا على كدة لين ويكند قبل أول اختبار. 

- يومها خدوا بريك صفوا ذهنكم فيه، و بعدين أبدؤوا زاكروا مادة اختبار يوم الأحد. 

اليوم ٢٢ نوفمبر..

حتبدؤوا إن شاء الله من بكرة يوم ٢٣ نوفمبر.

و الاختبارات آخر ديسمبر أفتكر ٣١ ديسمبر تقريبا. 

فرصة كبيرة 

حتحسوا بالفرق صدقوني

أهم شي الترتيب، و عارفين فين ماشيين؛ و شايفين نفسكم بتتقدموا

و جدول مريح

و عندكم وقت!

في وقت!

المهم تبدؤوا دحين

لما تطبقوه شاركوني، اليوم و الأسبوع الجاي و إيش حتعملوا reasses

https://goo.gl/forms/s4iK9TGWfNkUwyUg1

متأكدة حتستفيدوا منه بإذن الله

بالتوفيق لكم

سستم علمي و عملي للمذاكرة:

دايما في المذاكرة خلونا نقسم شغلنا لكم حاجة:

·        مكان المذاكرة!  إيش الأشياء اللي لازم أعبيها ؟ كيف أجهز مكتبي؟ جوالي؟ كتبي ؟

·        وقت السشن الدراسي لكل واحد فينا Studying Period.

·        طريقة المذاكرة و القراءة بفن!

مكان المذاكرة:

·        و هو المكتبأو الأرضية أو أي مكان تحبوه في الحياة، لكن يفضل الابتعاد عن السرير عشان حيعمل اندكشن للنوم و حتناموا ع الكتاب، و هذا لا نريده J

·        قبل ما تبدؤوا المكان يكون مرتب و بس فيله الحاجات التي تحتاجوها لدي المادة، مثلا كتاب ستب أب، دفتر النوتات حقي اللي في المحاضرة كتبتها، أقلامي و الهايلايتر.

·        ديكورات المذاكرة النفسية التحسينية يعني كوب القهوة و قليل من الطعام و زمزمية الموية، عشان لا تعطشوا أو تجوعوا و كل شوية رايحين جايين المطبخ و خلص وقت المزاكرةJ .

·        الجوال، و ما أدرانا ما الجوالJ ، بَعِّدوه حطوه في مكان بعيد حل ما أعتقد مرة عملي، بالعكس في حاجات أقدر أستخدمه فيها و مهمة و تساعدني، ففي حل بسيط و هو:

o       تقفيل كل نوتيفيكيشن الجوال.

o       الجوال صامتأو عدم إزعاج.

o       الشي المسموح أفتح أشوف لو كلمة ما فهمتها أو شي ضروري مرة، و دا مو حرمان دحين شوية لما آخد بريك حأشوف الجوال، فتقدروا تقنعوا نفسكم شوية شوية و تتعلموا كنترول على نفسكم بدون ما تحسوا.

o       في برنامج جميل مرة و مفيد اسمه Forest:Stay Focused، متوفر ع الأندرويد و آبل، فكرته إنه تحط فترة duration عشان تعمل مهمة تركز فيها بدون مقاطعة، و كل مرة لما تخلص المهمة تبني شجرة. فحلو حقيقي التطبيق بعد فترة من استخدامه عودني على التركيز أكثر و إني ما أتشتت بالجوال و حتى ما سرت أحتاجه دحين. و دا يقودنا لنقطة 2 المهمة:

وقت السشن الدراسي Studying Period:

·        غالبا لو قريتوا في الكتب يقولولكم خلوا وقت سشن الدراسة من 40 ل 50 دقيقة، بعدين خدوا بريك من 5 ل 10 دقايق " ما يزيد طيب J " بس مو دايما يكون دا صح، و هنا تجي فايدة التطبيق اللي فوق.

·        الفكرة اللي أكتشفتها إنه لكل واحد فينا Attention span مميز، يعني وقت يقدر يجلس فيه مركز ع الكتاب و بيزاكر، أول ما تسرحوا هنا طلوا في البرنامج! كم دقيقة وصلتوا؟ بس مو من أول مرة، جربوا مادة تانية، وقت تاني، لين توصلوا للوقت التقريبي حقكم و على أساسه تقدروا تحطوا كل سشن دراسي كم، مثلا لو كان 20 دقيقة فالبريك 5 دقائق ماكسمم، يكفي في البريك تكلم أخوانك، تطل في الجوال لين تتعودوا تدريجيا على التشكنج للسوشيال ميديا، تاخدوا لفة في البيت و ترجعوا " إيوة مرررة يكفي الوقت"

·        معلومة مهمة: وقت ترتيب المكتب و تجهبزه ليس محسوبا ضمن وقت الStudying Period ، عشان كدة قلناه في نقطة لحال.

طريقة المذاكرة و القراءة بفن:

·        نفتح بسم الله المصدر اللي حنزاكر منه، نقول تطبيق على شابتر من الكتاب أول و نفس الفكرة تنطبق على السلايدات.

·        في كونسبت مرة مهم سميته العلاقة الدماغية  يشبه الشماعةأو علاقة الملابس، عقلنا زي كدة، عشان نحتفظ و نربط أكبر قدر من المعلومات حنعلق فيله معلوماتنا، و الطريقة مرة بسسسسسيطة لكن مررررة فعالة!

·         نقرأ بالترتيب ( سكيم سريع على الشابتر، بس بمخ متفتح و تركيز مش قراءة بدون عقل J ، دي الخطوة من 5 ل 10 دقايق بس لا تزيدوا )

o        عنوان الشابتر

o        لو في ملخص له نقرأ

o        السب هدينج و العناوين الرئيسية

o        أول جملة تحت كل عنوان رئيسي.

o        لو في أشياء مكتوبة بالأسود الغامق يعني هايلايتيد.

o       الفقرز، طلوا فيها و حاولوا تفهومها و أقرؤا البيانات اللي تحتها.

·        بعد خلاص قرأتوا بسرعة مرة راجعوا اللي قريتوه و فهمتوه مروا عليه سريع، دقيقة وحدة بس و حتكفي.

·        كدة خلاص إنتو عارفين عن إيش حيتكلم الفصل! و دي الطريقة لا تستهونوا بيها! 50% إلى 60%من المعلومات إنتوا أتشربتوها في دي الدقايق الأولى، دي العلاَّقات الدماغية ^_^

·        سموا بالله و جربوا بنفسكم و حتشوفوا الفرق J

المرة الجاية حنتكلم إن شاء الله عن مرحلة ما بعد المذاكرة، كتابة الملاحظات و طرق المراجعة، كيف أراجع بعد المذاكرة،  الأهداف الدراسية، كيف أعمل To Do List ، و كم النسبة اللي لو حققتها من To Do list حقتي في اليوم أعتبر ناجح ؟؟؟ حتنبسطوا مررررررة من معرفة دا الشي، أشوفكم على خير إن شاء الله J يعني دا Next

Later on, و بعدين شوية شوية على قدام إن شاء الله حنتدرج لمواضيع الذاكرة طويلة و قصيرة الأمد J

Stay Tuned

كيف أختار كتابي اللي أذاكر منه في كلية الطب ؟؟؟

3دقايق بس تقلكم الطريقة الخطيرة ^^

من دقيقة 1:44 بس أبدؤوا^^

https://goo.gl/fpoEPU

#FromSeniorToJuniors

كيف أزاكر في كلية الطب ؟؟

السؤال رقم 1 في كلية الطب؟

أقروا البوستر عشان تعرفوه J  

#FromSeniortoJuniors

https://goo.gl/pDzaBC